Dominis et in Christo fratribus Dacfredo, fideli monacho, cum ceteris Cluniensis ecclesiæ monachis. Ego Amalbertus et uxor mea Girburgis, cum consilio majorum filiorum nostrorum, scilicet Teudbaldi, Magnaldi, Petri et Teutmari, reliquis juveenibus {corr: juvenibus} filiis meis, id est Bernardo et Weniero, scientibus et consentientibus, venditores vendimus vobis aliquid ex hereditate nostra, et ex parte donamus pro salute animarum nostrarum: hoc est campos duos qui sunt siti in pago Matisconense, in agro Maciaco, in villa Besorniaco; et habet unus campus LXX^ta perticas in longitudinem, terminatque superius clauso vineæ ejusdem hereditatis, inferius similiter cum prato ejusdem hereditatis, et terminat in latitudinem de uno latere gutta currente, et terra Sancti Petri de altera parte. De predictis perticationibus superiorem medietatem que in portionem uxoris mee, videlicet jam dicte Girburgis, accidit, vobis vendo. Alius campus habet in longitudinem quantum inibi visus sum habere, in latitudine perticam I plenam; estque ipse campus situs juxta hereditatem Sancti Petri, ibique est vivus fons ex uno fronte. Hec omnia vobis vendimus, et pro remedio animarum nostrarum tribuimus et accipimus de vestro abere solidos VI, eo tenore ut ab ac die et deinceps ex prefatis campis quicquit facere vultis faciatis; et ut hec cartula firmior permaneat, cum stipulatione facta manibus propriis eam firmamus. Si quis hanc calumniare voluerit, quod non credimus, cum Juda, traditore Domini, in infernum maneat perpetualiter maledictus et damnatus. Actum Besorniaco publice. S. Amalberti et uxoris sue Girburgis, qui hanc venditionem fecerunt et firmare rogaverunt. S. Teutmari. S. Magnaldi. S. Walterii. S. Johannis. S. Waldrici. S. Rainfredi. S. Bernaldi. S. Attonis. Data per manum Josleni sacerdotis indigni, anno V regnante rege Hugone.